హన్మకొండలో మహిళను వేధించిన హెచ్‌ఎంపై కేసు
హన్మకొండ జిల్లా హసన్‌పర్తి మండలంలోని ఓ ఎంపీపీఎస్ పాఠశాల ప్రధానోపాధ్యాయుడిపై మహిళను వేధించిన ఆరోపణలతో పోలీసులు కేసు నమోదు చేశారు. గత జన్మలో భార్యాభర్తలమని దేవుడు చెప్పాడంటూ నమ్మించే ప్రయత్నం చేశాడని, తనతో కలిసి జీవించకపోతే భర్త, పిల్లలకు ఇబ్బందులు తప్పవని బెదిరించాడని బాధితురాలు ఫిర్యాదులో పేర్కొన్నారు. తన ఫొటోలను ఏఐ సాయంతో మార్ఫింగ్ చేసి సోషల్ మీడియాలో పోస్ట్ చేస్తానని బెదిరించాడని, కుటుంబానికి ప్రాణహాని ఉందని ఆమె తెలిపారు. అన్ని కోణాల్లో దర్యాప్తు చేస్తున్నామని సీఐ మహేందర్ వెల్లడించారు.