జమ్మలమడుగులో రూ.7,107 కోట్లతో శ్రీ సిమెంట్‌ ప్లాంట్‌ ప్రతిపాదన
వైఎస్సార్‌ కడప జిల్లా జమ్మలమడుగులో రూ.7,107 కోట్లతో ఇంటిగ్రేటెడ్‌ సిమెంట్‌ ప్లాంట్‌ ఏర్పాటుకు కోల్‌కతా కేంద్రంగా ఉన్న శ్రీ సిమెంట్‌ లిమిటెడ్‌ ఆసక్తి ప్రకటించింది. రెండు దశల్లో పెట్టుబడులు పెట్టి 1,102 మందికి ఉపాధి కల్పిస్తామని, ఏటా 6 మిలియన్‌ టన్నుల యూనిట్‌ కోసం 452 ఎకరాలు కేటాయించాలని కోరింది. సంస్థకు దొమ్మరనంద్యాల దగ్గర 373 హెక్టార్లలో లైమ్‌స్టోన్‌ గనులు ఇప్పటికే కేటాయించారు. సీఎస్‌ సాయిప్రసాద్‌ అధ్యక్షతన సోమవారం సమావేశమైన ఎస్‌ఐపీసీ, రూ.23,994 కోట్ల పెట్టుబడులు, 11,289 మందికి ఉపాధి కల్పించే ప్రతిపాదనలను చర్చించి ఎస్‌ఐపీబీ ఆమోదానికి పంపాలని నిర్ణయించింది.