విజయవాడ పశ్చిమ నియోజకవర్గంలో రాజకీయ ఉద్రిక్తత
విజయవాడ పశ్చిమ నియోజకవర్గంలో ఉద్రిక్త వాతావరణం నెలకొందని సాక్షి తెలిపింది. ‘స్థానిక పోరుకు సిద్ధం, ప్రజా సమస్యలపై యుద్ధం’ పేరుతో మాజీ మంత్రి వెల్లంపల్లి శ్రీనివాస్‌ నియోజకవర్గంలో ఇంటింటికీ పర్యటన చేపట్టారు. కూటమి ప్రభుత్వ వైఫల్యాలను ఎండగడుతూ, ప్రజా సమస్యల పరిష్కారమే లక్ష్యంగా వైఎస్సార్‌సీపీ గడపగడపకు వెళ్తోంది. ఈ కార్యక్రమాన్ని అడ్డుకునేందుకు టీడీపీ, జనసేన పోటీ కార్యక్రమాలు చేపట్టాయి. వెల్లంపల్లి పర్యటించే ప్రాంతాల్లో ఆ రెండు పార్టీల శ్రేణులు భారీగా చేరుకున్నాయి. పోలీస్‌ బందోబస్తు మధ్య కార్యక్రమం కొనసాగుతోంది.