ప్రభుత్వ వైఫల్యాలు దాచేందుకే ఈసీపై దాడి: విజయేంద్ర
కర్ణాటకలో కాంగ్రెస్ ప్రభుత్వ వైఫల్యాలను కప్పిపుచ్చేందుకే ఎన్నికల సంఘాన్ని లక్ష్యంగా చేసుకుంటున్నారని బీజేపీ రాష్ట్ర అధ్యక్షుడు బీవై విజయేంద్ర ధార్వాడ్‌లో మంగళవారం ఆరోపించారు. ఫారం 7 దాఖలు చేసిన వారిపై కేసులు పెట్టి కార్యకర్తలను భయపెట్టలేరని, రాష్ట్రంలో పోలీస్ స్టేషన్లు కాంగ్రెస్ కార్యాలయాలుగా మారాయని అన్నారు. ఫారం 7 అన్ని పార్టీలకు ఈసీ ఇచ్చిన చట్టబద్ధ హక్కు అని, బీఎల్ఏల సిఫార్సులను రాష్ట్ర పరిధిలోని బీఎల్ఓలే పరిశీలిస్తారని చెప్పారు. రాష్ట్ర సీఈఓ అన్బుక్కుమార్‌ను రాష్ట్ర ప్రభుత్వమే నియమించిందని పేర్కొన్నారు.