భీమవరంలో భారీ వర్షం.. రహదారులు జలమయం
పశ్చిమగోదావరి జిల్లా భీమవరంలో సోమవారం తెల్లవారుజాము నుంచి భారీ వర్షం కురిసింది. దీంతో పట్టణంలోని అనేక ప్రాంతాలు జలమయమయ్యాయి. ప్రధాన రహదారులపైకి వర్షపు నీరు చేరడంతో వాహనదారులు ఇబ్బందులు ఎదుర్కొన్నారు. స్థానిక రైల్వేస్టేషన్ ఎదురుగా ఉన్న ప్రాంగణమంతా కాలువను తలపించడంతో స్టేషన్‌కు వచ్చే ప్రయాణికులు అవస్థలు పడ్డారు. ఈ వర్షం కారణంగా జనజీవనం స్తంభించింది. వర్షపాతం వివరాలు, నష్టంపై అధికారిక సమాచారం అందుబాటులో లేదు.