కుమారుడు చోరీ చేసిన సొత్తును పోలీసులకు అప్పగించిన తండ్రి
కర్నూలులో స్నేహితుడితో కలిసి నగలు దొంగిలించి ఇంటికి తీసుకెళ్లిన 17 ఏళ్ల బాలుణ్ని తండ్రి మందలించి, ఆ సొత్తును నాలుగో పట్టణ పోలీసుస్టేషన్‌లో అప్పగించారు. బుధవారపేటలోని హబీబ్‌ ముబారక్‌నగర్‌కు చెందిన భవన నిర్మాణ కార్మికుడు షేక్‌ ఫైజాన్‌, మైనర్‌ కలిసి ఈ నెల 3న కోడుమూరు రోడ్డులోని సీతారామ వెంచర్‌లో మేనేజరు రాఘవేంద్ర ఇంటిలో పట్టపగలే 20 తులాల బంగారం, 300 గ్రాముల వెండి ఆభరణాలు చోరీ చేశారని డీఎస్పీ రాఘవేంద్ర, సీఐ విక్రమ్‌సింహ తెలిపారు. ఇద్దరినీ అరెస్టు చేశారు.