షంషాబాద్‌లో యాక్సిస్ బ్యాంక్ ఏటీఎం పగులగొట్టి రూ.32 లక్షలు చోరీ
హైదరాబాద్ శివారు షంషాబాద్‌లోని సాతంరాయ్‌లో ఉన్న యాక్సిస్ బ్యాంక్ ఏటీఎంను దుండగులు గ్యాస్ కట్టర్లతో పగులగొట్టి సుమారు రూ.32 లక్షలు ఎత్తుకెళ్లారు. సోమవారం అర్ధరాత్రి తర్వాత ఏటీఎం కేంద్రంలోకి ప్రవేశించి నగదు పెట్టెను తెరిచి డబ్బు తీసుకెళ్లారని పోలీసులు తెలిపారు. ధ్వంసమైన యంత్రాన్ని ఖాతాదారులు గుర్తించి బ్యాంకు అధికారులకు సమాచారం ఇవ్వడంతో ఘటన వెలుగులోకి వచ్చింది. క్లూస్ బృందం ఆధారాలు సేకరించింది. సీసీటీవీ దృశ్యాలను పరిశీలిస్తున్న పోలీసులు కేసు నమోదు చేసి దర్యాప్తు చేపట్టారు.