ఆసిఫాబాద్ జిల్లాలో రూ.50 లక్షల విలువైన 500 గంజాయి మొక్కలు స్వాధీనం
జిల్లాలో మూడు రోజులుగా నిర్వహించిన తనిఖీల్లో రూ.50 లక్షల విలువైన 500 గంజాయి మొక్కలను స్వాధీనం చేసుకున్నట్లు ఎస్పీ నితికా పంత్ సోమవారం తెలిపారు. డీఎస్పీ బి.అశోక్ ఆధ్వర్యంలో లింగాపూర్, సిర్పూరు(యు), కెరమెరి పోలీసు స్టేషన్ల పరిధిలో తనిఖీలు జరిగాయి. మూడు స్టేషన్ల పరిధిలో ఆరు కేసులు నమోదు చేసి, అయిదుగురు నిందితులను అరెస్టు చేసి రిమాండ్‌కు తరలించారు. ఈ ఏడాది ఎండు గంజాయి రవాణా, విక్రయాలపై 32 కేసుల్లో 10 కిలోలు స్వాధీనం చేసుకుని 68 మందిని అరెస్టు చేశారు. అక్రమ సాగుపై 23 కేసుల్లో 27 మందిని అరెస్టు చేశారు.