రోల్స్‌ రాయిస్‌ వీడియోతో సింగపూర్‌ ఫుడ్‌స్టాల్‌ అమ్మకాలు రెట్టింపు
సింగపూర్‌కు చెందిన ఎజామ్‌ అబ్దుల్‌ గనీ తన కుటుంబ సభ్యులు నిర్వహిస్తున్న ఫుడ్‌స్టాల్‌ ప్రచారం కోసం స్నేహితుడి నుంచి రోల్స్‌ రాయిస్‌ కారు తీసుకుని ఒక వీడియో చిత్రీకరించి టిక్‌టాక్‌లో పోస్టు చేశారు. ఆ వీడియో సామాజిక మాధ్యమాల్లో వైరల్‌ కావడంతో అమ్మకాలు ఒక్కసారిగా పెరిగాయి. అంతకుముందు రోజుకు సుమారు 600 సింగపూర్‌ డాలర్లుగా ఉన్న అమ్మకాలు ఆ తర్వాత 1200 డాలర్లకు పైగా చేరినట్లు ఆయన తెలిపారు. దూర ప్రాంతాల నుంచి సైతం కస్టమర్లు స్టాల్‌కు వస్తున్నారని పేర్కొన్నారు.