కామారెడ్డి ముగ్గురి మృతి కేసు: కాల్ డేటా, వాట్సాప్ చాట్ సేకరణ
కామారెడ్డి జిల్లాలో ఎస్ఐ సాయికుమార్, కానిస్టేబుల్ శృతి, కంప్యూటర్ ఆపరేటర్ నిఖిల్ అనుమానాస్పద మృతి కేసులో పోలీసులు దర్యాప్తు ముమ్మరం చేశారు. ముగ్గురి కాల్ డేటా, వాట్సాప్ చాట్ సేకరించగా, వారం రోజులుగా గంటల తరబడి మాట్లాడుకున్నట్లు తేలింది. బుధవారం ఉదయం 11 గంటలకు బికనూరు టోల్ ప్లాజా వద్ద సాయికుమార్ ఒక్కడే కారులో వెళ్తున్న సీసీ ఫుటేజీ లభించింది. బీబీపేట నుంచి నరసన్నపల్లికి నిఖిల్ తెచ్చిన బైక్ ఆచూకీ తెలియలేదు. పోస్టుమార్టం రిపోర్టు కీలకం. సదాశివనగర్ సీఐకి విచారణ బాధ్యతలు అప్పగించారు.