శంషాబాద్ ఎయిర్‌పోర్టులో రూ.1.20 కోట్ల బంగారం స్వాధీనం
హైదరాబాద్ శంషాబాద్‌లోని రాజీవ్ గాంధీ అంతర్జాతీయ విమానాశ్రయంలో డైరెక్టరేట్ ఆఫ్ రెవెన్యూ ఇంటెలిజెన్స్ (డీఆర్ఐ) అధికారులు సుమారు రూ.1.20 కోట్ల విలువైన 800 గ్రాముల బంగారు ఆభరణాలను స్వాధీనం చేసుకున్నారు. అధికారుల వివరాల ప్రకారం, హైదరాబాద్‌కు చెందిన ఓ ఆభరణాల వ్యాపారి తిరుచిరాపల్లి నుంచి విమానంలో వస్తున్నాడు. ముందస్తు నిర్దిష్ట సమాచారం ఆధారంగా అతడిని ఆపి తనిఖీ చేయగా సామానులో ఆభరణాలు బయటపడ్డాయి. బంగారం ఎక్కడి నుంచి వచ్చింది, ఇతరుల ప్రమేయం ఉందా అనే అంశాలపై కేసు నమోదు చేసి దర్యాప్తు కొనసాగుతోంది.