స్థానిక సంస్థల ఎన్నికలపై రేపు కూటమి నేతల భేటీ
ఏపీలో స్థానిక సంస్థల ఎన్నికలకు రంగం సిద్ధమవుతున్న నేపథ్యంలో కూటమి అగ్రనేతలు సీట్ల సర్దుబాటుపై దృష్టి సారించారు. మంగళవారం సీఎం క్యాంపు కార్యాలయంలో ముఖ్యమంత్రి చంద్రబాబు, డిప్యూటీ సీఎం పవన్ కల్యాణ్, భాజపా రాష్ట్ర అధ్యక్షుడు మాధవ్ సమావేశం కానున్నారు. ఏ స్థానాల్లో ఎవరు పోటీ చేయాలనే అంశంపై చర్చించనున్నారు. ఈ నెలలో ఏ క్షణంలోనైనా ఎన్నికల షెడ్యూల్ విడుదలయ్యే అవకాశం ఉందని రాజకీయవర్గాల్లో చర్చ జరుగుతోంది. డిసెంబర్ నాటికి మున్సిపల్, పంచాయతీ ఎన్నికలు పూర్తి చేసేందుకు రాష్ట్ర ఎన్నికల సంఘం సిద్ధమవుతోంది.