శ్రీశైలంలో 11 నుంచి 20 వరకు శరన్నవరాత్రి ఉత్సవాలు
శ్రీశైల శ్రీభ్రమరాంబా మల్లిఖార్జున స్వామి దేవాలయంలో ఈ నెల 11 నుంచి 20వ తేదీ వరకు దేవీ శరన్నవరాత్రి మహోత్సవాలు నిర్వహించనున్నట్టు ఆలయ వర్గాలు తెలిపాయి. ఉత్సవాలకు హాజరు కావాలని ముఖ్యమంత్రి చంద్రబాబును శ్రీశైలం ఎమ్మెల్యే బుడ్డా రాజశేఖర్ రెడ్డి, ధర్మకర్తల మండలి రమేష్ నాయుడు, ఈవో శ్రీనివాసరావు, అర్చకులు, వేద పండితులు, అధికారులు ఆహ్వానించారు. ఎమ్మెల్యే క్యాంప్ కార్యాలయంలో ఆహ్వాన పత్రిక అందించారు. సీఎంకు స్వామివార్ల చిత్రపటం, ప్రసాదాలు అందజేసి వేదాశీర్వచనం పలికారు. బ్రహ్మోత్సవాల ఏర్పాట్లపై సీఎం ఆరా తీశారు.