ఎల్‌నినో దృష్ట్యా నీటిని పొదుపుగా వాడాలి: ఎమ్మెల్యే వీరేశం
ఎల్‌నినో పరిస్థితుల దృష్ట్యా అందుబాటులో ఉన్న నీటిని పొదుపుగా వాడుకోవాలని ప్రభుత్వ విప్, ఎమ్మెల్యే వేముల వీరేశం రైతులను కోరారు. నకిరేకల్‌లో స్థానిక వ్యవసాయ శాఖ, ఆత్మ కమిటీ ఆధ్వర్యంలో సోమవారం ప్రారంభమైన డివిజన్ స్థాయి రైతు శిక్షణ కార్యక్రమంలో ఆయన మాట్లాడారు. యాసంగిలో తక్కువ నీటితో ఎక్కువ లాభాలిచ్చే పంటలను ఎంపిక చేసుకోవాలని, పంటల మార్పిడితో భూసారం పెరుగుతుందని చెప్పారు. ఆరుతడి పంటలు, పప్పు ధాన్యాల సాగుపై దృష్టి పెట్టాలన్నారు. పాడి పరిశ్రమ అభివృద్ధికి సీఎం కృషి చేస్తున్నారని తెలిపారు. జిల్లా వ్యవసాయ అధికారి వినోద్ కుమార్, ఏడీఏ విజయేందర్ రెడ్డి, మార్కెట్ కమిటీ ఛైర్‌పర్సన్ మంజుల పాల్గొన్నారు.