కోనసీమలో ఒకే అరటి మొదకు ఏడు గెలలు
డాక్టర్ బీఆర్ అంబేద్కర్ కోనసీమ జిల్లా రాజోలు మండలం మెరకపాలెం గ్రామంలో ఒకే అరటి మొద నుంచి ఏడు గెలలు బయటకు వచ్చాయి. రైతు ఎలుమర్తి బాబూరావు తోటలో ఈ మొదను గుర్తించిన తర్వాత విషయం చుట్టుపక్కల గ్రామాలకు పాకింది. సాధారణంగా ఒక అరటి మొదకు ఒక గెల మాత్రమే వస్తుందని, ఇలాంటి దృశ్యాన్ని ఇప్పటివరకు చూడలేదని స్థానిక రైతులు చెబుతున్నారు. తోటలో మిగిలిన చెట్లు సాధారణంగానే ఉన్నాయి. ఈ చెట్టు ఫొటోలు, వీడియోలు సోషల్ మీడియాలో వైరల్ అవుతున్నాయి.