ఏఐసీసీ పశ్చిమగోదావరి జిల్లా అధ్యక్షుడిగా పండన్న నియామకం
అసోసియేషన్ ఆఫ్ ఇంటిగ్రిటీ క్రిస్టియన్ కౌన్సిల్ (ఏఐసీసీ) పశ్చిమగోదావరి జిల్లా అధ్యక్షుడిగా తణుకుకు చెందిన రెవరెండ్ కాకర్ల రాజేంద్రప్రసాద్ (పండన్న), కార్యదర్శిగా క్రీస్తుదాసును నియమించారు. విజయవాడలో బుధవారం జరిగిన ఏఐసీసీ జాతీయస్థాయి కోర్ కమిటీ సమావేశంలో అంతర్జాతీయ అధ్యక్షుడు గేరాహానోకు నుంచి నియామక పత్రాలు అందుకున్నారు. రాష్ట్రంలోని అన్ని జిల్లాల ప్రతినిధులు పాల్గొని క్రైస్తవ సమస్యలపై అభిప్రాయాలు పంచుకున్నారు. జిల్లాలో క్రైస్తవులకు ఇబ్బందులు ఎదురైతే ఏఐసీసీ ముందుండి పోరాడుతుందని, ప్రతి మండలంలో కమిటీలు ఏర్పాటు చేస్తామని పండన్న తెలిపారు.