ఎన్‌ఈపీ 2020: విద్యలో తోలుబొమ్మలాటపై సీసీఆర్‌టీ వర్క్‌షాప్
సాంస్కృతిక వనరులు, శిక్షణ కేంద్రం (సీసీఆర్‌టీ) హైదరాబాద్ ప్రాంతీయ కేంద్రం 'ఎన్‌ఈపీ 2020కి అనుగుణంగా విద్యలో తోలుబొమ్మలాట పాత్ర' అంశంపై అక్టోబరు 16 వరకు వర్క్‌షాప్ నిర్వహిస్తోంది. వివిధ రాష్ట్రాల నుంచి వివిధ సబ్జెక్టులు బోధించే సుమారు 50 మంది పాఠశాల ఉపాధ్యాయులు పాల్గొంటున్నారు. మంగళవారం సీసీఆర్‌టీ విజిటింగ్ ఫ్యాకల్టీ, ప్రపంచ రికార్డు సాధించిన వెంట్రిలాక్విస్ట్ డాక్టర్ జీవీఎన్ రాజు గాత్ర నియంత్రణ, వాయిస్ కల్చర్‌పై శిక్షణ ఇచ్చారు. ఫీల్డ్ ఆఫీసర్ సౌందర్య కౌశిక్, కోఆర్డినేటింగ్ ఆఫీసర్ చంద్రశేఖర్, ఫీల్డ్ అసిస్టెంట్ ప్రవీణ్ పర్యవేక్షించారు.