ప్రైవేటు మెడికల్ కాలేజీ ఎదుట బీఆర్‌ఎస్‌వీ ఆందోళన
హైదరాబాద్ శివార్లలోని నోవా మెడికల్ కాలేజీ ఎదుట బీఆర్‌ఎస్ విద్యార్థి విభాగం అధ్యక్షుడు గెల్లు శ్రీనివాస్ యాదవ్ నేతృత్వంలో కార్యకర్తలు సోమవారం ఆందోళన చేపట్టారు. ఎన్‌ఎంసీ మార్గదర్శకాల ప్రకారం మౌలిక సదుపాయాలు లేకుండానే కాళోజీ నారాయణరావు ఆరోగ్య విశ్వవిద్యాలయం గుర్తింపు ఇచ్చిందని, విచారణ జరిపించాలని డిమాండ్ చేశారు. కాలేజీలో 21 విభాగాలు పేరుకే ఉన్నాయని, 250 మంది విద్యార్థులకు తరగతి గదులు కూడా లేవని ఆరోపించారు. తనిఖీ అధికారులపై క్రిమినల్ కేసు పెట్టాలని కోరారు. పోలీసులు కార్యకర్తలను అదుపులోకి తీసుకున్నారు.