తెలుగు రాష్ట్రాల్లో నేడు ఉరుములతో కూడిన వర్షాలు: ఐఎండీ
బంగాళాఖాతంలో ఏర్పడిన ద్రోణి, ఉపరితల ఆవర్తనం, రుతుపవనాల తిరోగమనం ప్రభావంతో తెలంగాణ, ఆంధ్రప్రదేశ్‌లోని పలు ప్రాంతాల్లో నేడు ఉరుములు, మెరుపులతో కూడిన వర్షాలు కురిసే అవకాశం ఉందని ఐఎండీ తెలిపింది. ఖమ్మం, భద్రాద్రి కొత్తగూడెం, నల్గొండ, సూర్యాపేట, మహబూబ్‌నగర్, నాగర్‌కర్నూల్, రంగారెడ్డి జిల్లాల్లో గంటకు 30-40 కిలోమీటర్ల ఈదురుగాలులు వీచవచ్చు. హైదరాబాద్‌లో సాయంత్రం తేలికపాటి నుంచి మోస్తరు జల్లులు, గరిష్ఠ ఉష్ణోగ్రత 32, కనిష్ఠం 23 డిగ్రీలు నమోదవుతాయి. మత్స్యకారులకు ప్రత్యేక హెచ్చరికలు జారీ చేయలేదు.