గుంటూరు జీజీహెచ్ వద్ద అనాథ రోగి మృతి, కేసు నమోదు
గుంటూరు సర్వజన ఆసుపత్రి (జీజీహెచ్) వద్ద సుమారు 40 ఏళ్ల అనాథ వ్యక్తి మృతి చెందాడు. కాలి గాయంతో మూడు రోజుల క్రితం వచ్చిన అతనికి అత్యవసర విభాగంలో కట్టు కట్టి చికిత్స అందించారు. నడవలేని స్థితిలో ఆసుపత్రి పరిసరాల్లో ఉండిపోయిన అతన్ని ఆదివారం ఉదయం సెక్యూరిటీ సూపర్‌వైజర్, ఇద్దరు గార్డులు స్ట్రెచర్‌పై మార్చురీ సమీపంలోని ప్రధాన గేటు బయట వదిలేశారని స్థానికులు తెలిపారు. స్థానికులు ఆహారం, నీళ్లు ఇచ్చినా సోమవారం అతను మృతి చెందాడు. పోలీసులు అనుమానాస్పద మృతిగా కేసు నమోదు చేశారు. పూర్తి విచారణకు ఆదేశించినట్లు సీఎస్‌ఆర్‌ఎంవో బి.వి.రావు తెలిపారు.