విశాఖలో డిసెంబర్ 25-27 తేదీల్లో క్రెడాయ్ 12వ ప్రాపర్టీ ఎక్స్‌పో
విశాఖపట్నంలో డిసెంబర్ 25 నుంచి 27 వరకు గడిరాజు ప్యాలెస్ అండ్ కన్వెన్షన్ సెంటర్‌లో జరిగే 12వ ప్రాపర్టీ ఎక్స్‌పో బ్రోచర్‌ను క్రెడాయ్ విశాఖపట్నం విభాగం విడుదల చేసింది. సోమవారం విలేకరుల సమావేశంలో చైర్మన్ వి. ధర్మేందర్, అధ్యక్షుడు ఈ. అశోక్ కుమార్, గౌరవ కార్యదర్శి వి. శ్రీను, ఎక్స్‌పో కన్వీనర్ నాగిరెడ్డి శ్రీనివాస రావు, క్రెడాయ్ ఏపీ అధ్యక్షుడు బయాన శ్రీనివాస రావు వివరాలు తెలిపారు. రియల్ ఎస్టేట్, నిర్మాణ, అనుబంధ రంగాలకు చెందిన 80కి పైగా స్టాళ్లు ఉంటాయి. స్టాళ్లను ప్లాటినం, ప్రీమియం డైమండ్, డైమండ్, గోల్డ్, సిల్వర్, బ్రాంజ్‌గా విభజించారు. గంటకోసారి లక్కీ డ్రా ద్వారా ఒక గ్రాము బంగారు నాణేలు అందిస్తారు.