పట్టభద్రుల సమస్యలపై పోరాటం చేస్తాం: బీజేపీ నేత రుక్మారావు
ఖమ్మం–నల్గొండ–వరంగల్ ఉమ్మడి జిల్లాల పట్టభద్రుల ఎమ్మెల్సీ ఎన్నిక సాధారణ ఎన్నిక కాదని, పట్టభద్రుల తరఫున శాసనమండలిలో మాట్లాడే గొంతును నిర్ణయించే ఎన్నిక అని బీజేపీ రాష్ట్ర కార్యవర్గ సభ్యులు రుక్మారావు అన్నారు. శుక్రవారం ఖమ్మం జిల్లా కార్యాలయంలో జిల్లా అధ్యక్షులు నెల్లూరి కోటేశ్వరరావు అధ్యక్షతన జరిగిన కార్యశాలలో ఆయన ముఖ్యఅతిథిగా పాల్గొన్నారు. ఉద్యోగ నియామకాలు, ఖాళీల భర్తీ, పరీక్షల్లో పారదర్శకత, నైపుణ్య శిక్షణపై నిరంతరం ప్రశ్నించాలని చెప్పారు. అర్హులైన ప్రతి పట్టభద్రుడు ఓటరుగా నమోదు కావాలని పిలుపునిచ్చారు.