గ్రేట్ నికోబార్ ప్రాజెక్టు: కేంద్రం అభ్యంతరాన్ని తోసిపుచ్చిన సుప్రీంకోర్టు
గ్రేట్ నికోబార్ దీవి మెగా మౌలిక సదుపాయాల ప్రాజెక్టుకు అనుమతుల్లో అటవీ హక్కుల చట్టం ఉల్లంఘన జరిగిందని దాఖలైన పిల్‌ విచారణార్హతను సమర్థించిన కలకత్తా హైకోర్టు ఉత్తర్వుపై కేంద్రం చేసిన సవాలును సుప్రీంకోర్టు స్వీకరించడానికి నిరాకరించింది. కేసు హైకోర్టులో పెండింగ్‌లో ఉండి నవంబర్ 25-26కు విచారణ నిర్ణయించినందున జోక్యం చేసుకోబోమని సీజేఐ సూర్యకాంత్, జస్టిస్ జయమాల్య బాగ్చీ, జస్టిస్ వి మోహన ధర్మాసనం పేర్కొంది. ఇది "జాతీయ ప్రాముఖ్యత" కలిగిన అంశమని అటార్నీ జనరల్ ఆర్ వెంకటరమణి వాదించారు.