కూచిపూడి నృత్యానికి యునెస్కో గుర్తింపుపై కార్యశాల ప్రారంభం
కృష్ణాజిల్లా మొవ్వ మండలం కూచిపూడిలో కూచిపూడి నృత్యానికి యునెస్కో గుర్తింపు కోసం మంగళవారం కార్యశాల ప్రారంభమైంది. పొట్టి శ్రీరాములు తెలుగు విశ్వవిద్యాలయం, జిల్లా పరిపాలనా విభాగం, ఏపీ పర్యాటక, సాంస్కృతిక, యువజనాభివృద్ధి శాఖలు సంయుక్తంగా నిర్వహించాయి. పామర్రు ఎమ్మెల్యే వర్ల కుమార్‌రాజా జ్యోతి వెలిగించి ప్రారంభించి, నాలుగు వందల సంవత్సరాల కిందట శ్రీసిద్ధేంద్రయోగి ఈ నృత్యానికి క్రమబద్ధమైన రూపం ఇచ్చారని చెప్పారు. గుర్తింపు దిశగా కార్యాచరణ వేగవంతం చేస్తున్నామని కలెక్టర్‌ డి.కె.బాలాజీ తెలిపారు. డా.చింతా రవిబాలకృష్ణ రచించిన కూచిపూడి చరిత్ర పుస్తకాన్ని ఆవిష్కరించారు.