వికారాబాద్ ఇంద్రానగర్ కాలనీలో పోలీసుల కార్డన్ అండ్ సెర్చ్
కమ్యూనిటీ పోలీసింగ్‌లో భాగంగా వికారాబాద్ పట్టణంలోని ఇంద్రానగర్ కాలనీలో మంగళవారం ఉదయం పోలీసులు కార్డన్ అండ్ సెర్చ్ నిర్వహించారు. జిల్లా ఎస్పీ స్నేహ మెహర ఆదేశాల మేరకు డీఎస్పీ ఆధ్వర్యంలో సీఐలు, ఎస్‌ఐలు ఇళ్లు, వాహనాలు, ధ్రువపత్రాలు తనిఖీ చేశారు. ధ్రువపత్రాలు లేని వాహనాలు, మద్యం బాటిళ్లు, నిషేధిత గుట్కా, కల్తీ ఆహార పదార్థాలు, కల్తీ చాక్లెట్లు, కల్తీ కారం పొడి గుర్తించినట్లు ఎస్పీ తెలిపారు. తరచూ గొడవలు జరుగుతున్న నేపథ్యంలో ఇద్దరు రౌడీషీటర్లను జైలుకు పంపామని, దుకాణాలను రాత్రి 9 గంటలకే మూసివేయాలని సూచించారు.