నిర్మల్ జిల్లాలో వరుసగా ఐదు ఇళ్లలో చోరీ
నిర్మల్ జిల్లా భైంసా మండలం వాలేగాం గ్రామంలో దొంగలు వరుసగా ఐదు ఇళ్లలో చోరీకి పాల్పడ్డారు. తాళం వేసి ఉన్న ఇళ్లనే టార్గెట్ చేసిన దొంగలు భారీగా బంగారు ఆభరణాలు, వెండి, నగదుతో పాటు ఒక బైక్‌ను కూడా అపహరించినట్లు సమాచారం. చోరీకి సంబంధించిన దృశ్యాలు సీసీ కెమెరాల్లో రికార్డయ్యాయి. సమాచారం అందుకున్న పోలీసులు ఘటనాస్థలికి చేరుకుని దర్యాప్తు ప్రారంభించారు. సీసీ కెమెరాల ఆధారంగా దొంగలను పట్టుకునే పనిలో పోలీసులు నిమగ్నమయ్యారు.