పెద్ద నాగులవరంలో రైతులకు నూతన పట్టాదారు పాసుపుస్తకాల పంపిణీ
ఆంధ్రప్రదేశ్ ప్రభుత్వం చేపట్టిన భూముల రీసర్వే కార్యక్రమంలో భాగంగా మార్కాపురం మండలం పెద్ద నాగులవరం గ్రామంలో రీసర్వే ప్రక్రియ పూర్తయింది. ఈ సందర్భంగా సంబంధిత రైతులకు నూతన పట్టాదారు పాసుపుస్తకాలను తహసీల్దార్ కె. చిరంజీవి పంపిణీ చేశారు. రీసర్వే ద్వారా భూముల వివరాలు మరింత పారదర్శకంగా, పక్కాగా నమోదు అవుతాయని అధికారులు తెలిపారు. కార్యక్రమంలో గ్రామ రెవెన్యూ అధికారి మహాలక్ష్మి, గ్రామ సర్వేయర్ రవీంద్ర పాల్గొన్నారు.