పార్వతీపురం మన్యంలో 8 ఏనుగుల గుంపు.. మొక్కజొన్న పంటకు నష్టం
పార్వతీపురం మన్యం జిల్లా మక్కువ మండలంలోని ఎర్ర సామంత గ్రామ శివార్లలో మంగళవారం సాయంత్రం ఎనిమిది ఏనుగుల గుంపు మొక్కజొన్న పొలాల్లో సంచరించింది. ఏనుగులు వ్యవసాయ పొలాల్లోకి ప్రవేశించి మొక్కజొన్న పంటను ధ్వంసం చేశాయి. దీంతో పంట నష్టంపై రైతులు ఆవేదన వ్యక్తం చేశారు. ఈ ప్రాంతంలో ఏనుగుల సంచారం పునరావృతం కావడం పెద్ద సమస్యగా మారిందని వారు తెలిపారు. ఏనుగులు పొలాల్లోకి రాకుండా, పంటలను కాపాడేందుకు తక్షణ చర్యలు తీసుకోవాలని అటవీ అధికారులను రైతులు కోరారు.