విజయవాడ ఉత్సవ్ సీజన్ 2 ఈ నెల 11 నుంచి 20 వరకు
విజయవాడ ఉత్సవ్–సీజన్ 2 ఏర్పాట్లకు సింగ్‌నగర్‌లోని మాకినేని బసవపున్నయ్య స్టేడియంలో ఏపీ కల్చరల్ కార్పొరేషన్ ఛైర్‌పర్సన్ తేజస్విని ప్రత్యేక పూజలు నిర్వహించి శంకుస్థాపన చేశారు. ఈ నెల 11 నుంచి 20 వరకు పున్నమిఘాట్, స్టేడియంలో కార్యక్రమాలు జరుగుతాయని ఆమె తెలిపారు. జాతీయ, అంతర్జాతీయ కళాకారులు, గాయకులు, భజన్ బృందాలు, లైవ్ బ్యాండ్స్ ప్రత్యేక ఆకర్షణ అన్నారు. రాష్ట్రపతి, పలు రాష్ట్రాల ముఖ్యమంత్రులు హాజరవుతారని బొండా సిద్దార్ధ చెప్పారు. దిల్లీ సీఎం రేఖా గుప్తాను మంత్రి సత్యకుమార్, ఎంపీ కేశినేని శివనాథ్ ఆహ్వానించారు.