ధర్మవరంలో "అంగన్ కా ఉత్సవ్"; అంగన్వాడీ కార్యకర్తలకు సన్మానం
శ్రీ సత్యసాయి జిల్లా ధర్మవరం 13వ వార్డు లోనికోటలోని మునిసిపల్ ఉర్దూ ప్రాథమికోన్నత పాఠశాలలో "అంగన్ కా ఉత్సవ్" కార్యక్రమం జరిగింది. వైద్య, ఆరోగ్య శాఖ మంత్రి సత్య కుమార్ సూచనల మేరకు నిర్వహించిన ఈ కార్యక్రమంలో బీజేపీ ఇన్‌చార్జ్ హరీష్ బాబు, మహిళా మోర్చా జిల్లా అధ్యక్షురాలు జగ్గా నాగరత్నమ్మ ముఖ్య అతిథులుగా పాల్గొని అంగన్వాడీ కార్యకర్తలు, సహాయకులు, ఆశా కార్యకర్తలను సన్మానించారు. దేశవ్యాప్తంగా 14 లక్షల అంగన్వాడీ కేంద్రాల ద్వారా సుమారు 9 కోట్ల మంది లబ్ధిదారులకు సేవలు అందుతున్నాయని, 1.5 లక్షల కేంద్రాలను "సక్షం అంగన్వాడీ" కేంద్రాలుగా అభివృద్ధి చేస్తున్నారని వారు తెలిపారు.