చోడవరంలో వరుణ యాగం; ఎమ్మెల్యే కేఎస్ఎన్ రాజు పాల్గొన్నారు
చోడవరం నియోజకవర్గ కేంద్రంలోని శ్రీ స్వయంభూ కార్యసిద్ధి విఘ్నేశ్వరాలయంలో సమృద్ధిగా వర్షాలు కురవాలని కోరుతూ వరుణ యాగం నిర్వహించారు. ఎమ్మెల్యే కె.ఎస్.ఎన్. రాజు ఆధ్వర్యంలో జరిగిన యాగానికి వేద పండితులు, ప్రజా ప్రతినిధులు, భక్తులు హాజరయ్యారు. పండితులు నీటిలో నిలబడి వరుణ సూక్తాలు పఠిస్తూ వందలాది సార్లు జపం చేశారు. ఎమ్మెల్యే పూర్ణాహుతి సమర్పించారు. ఈ ఏడాది వర్షాలు సకాలంలో కురవక పంటలు ఎండిపోతున్నాయని రైతులు ఆవేదన చెందుతున్న నేపథ్యంలో యాగం చేపట్టినట్లు తెలిపారు.