తిరుపతి ఉర్దూ పాఠశాలలో నులిపురుగులు, క్షయపై అవగాహన
తిరుపతి నెహ్రూ నగర్‌లోని ప్రభుత్వ ఉర్దూ ఉన్నత పాఠశాలలో విద్యార్థులకు నులిపురుగుల వ్యాధులు, క్షయపై అవగాహన కార్యక్రమం నిర్వహించారు. జిల్లా కుష్ఠు, ఎయిడ్స్, క్షయ వ్యాధుల అధికారి డాక్టర్ శైలజ ఆదేశాల మేరకు ఇది చేపట్టారు. రేణిగుంట మండల పీహెచ్‌సీ హెల్త్ సూపర్వైజర్ కామరాజు మాట్లాడుతూ, భోజనానికి ముందు, మరుగుదొడ్డి వినియోగం తర్వాత సబ్బుతో చేతులు కడుక్కోవాలని, సిబ్బంది సూచనల మేరకు డీవార్మింగ్ మాత్రలు తీసుకోవాలని సూచించారు. రెండు వారాలకు మించి దగ్గు, జ్వరం, బరువు తగ్గడం, రాత్రిపూట చెమటలు ఉంటే క్షయ పరీక్షలు చేయించుకోవాలన్నారు. హెడ్మాస్టర్ ముజీబ్, ఉపాధ్యాయులు, ఏఎన్‌ఎం సరిత, ఆశా కార్యకర్త, టిబీ సూపర్వైజర్ కళాప్రియ పాల్గొన్నారు.