పదో తరగతిలో 99 శాతం ఉత్తీర్ణత లక్ష్యం: ఖమ్మం కలెక్టర్
పదో తరగతిలో 99 శాతం ఉత్తీర్ణతే లక్ష్యంగా పనిచేయాలని ఖమ్మం జిల్లా కలెక్టర్ దివాకర టిఎస్ విద్యాశాఖ అధికారులను ఆదేశించారు. సోమవారం కలెక్టరేట్‌లో అదనపు కలెక్టర్ డాక్టర్ పి. శ్రీజతో కలిసి ఆయన సమీక్ష నిర్వహించారు. దీపావళి అనంతరం ప్రత్యేక తరగతులు ప్రారంభించి వెనుకబడిన విద్యార్థులపై శ్రద్ధ పెట్టాలని సూచించారు. ఎఫ్‌ఎల్‌ఎన్‌లో సామర్థ్యాలు కనీసం 80 శాతం చేరాలని, తప్పుడు నివేదికలకు తావు ఉండకూడదని స్పష్టం చేశారు. ఖమ్మం అర్బన్, తల్లాడ, పెనుబల్లి, ముదిగొండ మండలాల్లో హాజరు మెరుగుపరచాలని ఆదేశించారు. జిల్లా విద్యాశాఖ అధికారిణి డి. వాసంతి పాల్గొన్నారు.