అల్లూరి జిల్లాలో గర్భిణిని 7 కి.మీ. డోలీలో మోసుకెళ్లిన కుటుంబం
రోడ్డు సౌకర్యం లేక అల్లూరి సీతారామరాజు జిల్లా తడకపల్లి ప్రాంతానికి చెందిన నిండు గర్భిణిని ఆమె కుటుంబ సభ్యులు సుమారు 7 కిలోమీటర్ల రాళ్లు, రప్పల బాటలో డోలీలో మోసుకెళ్లారు. ఆమెకు అకస్మాత్తుగా నొప్పులు రావడంతో ఆసుపత్రికి తరలించేందుకు ఈ పరిస్థితి ఏర్పడిందని సమాచారం. అత్యవసర సమయాల్లో 108 అంబులెన్స్ కూడా రాలేని దుస్థితి ఉందని, గర్భిణులు, పసిపిల్లలు, వృద్ధులు దారిలోనే ప్రాణాలు కోల్పోయే ప్రమాదం ఉందని స్థానిక గిరిజనులు ఆవేదన వ్యక్తం చేస్తున్నారు. రహదారులు, రవాణా వసతులకు శాశ్వత పరిష్కారం చూపాలని రాష్ట్ర ప్రభుత్వాన్ని కోరుతున్నారు.