చీరాలలో సేవా కార్యక్రమాలతో వాకర్స్ అసోసియేషన్ సభ్యుల జన్మదిన వేడుకలు
చీరాల ఎన్.ఆర్.& పి.ఎం. హైస్కూల్ వాకర్స్ అసోసియేషన్ ఆధ్వర్యంలో సభ్యుల జన్మదిన వేడుకలను సేవా కార్యక్రమాలతో నిర్వహించారు. సభ్యుడు గుర్రం బదరీనాథ్ తన జన్మదినం సందర్భంగా పేరాల శివాలయంలో భక్తులకు పులిహోర పంపిణీ కోసం రూ.3,000 అందజేశారు. మరో సభ్యుడు గొడవర్తి కృష్ణమూర్తి శ్రీకృష్ణ గోశాలకు రూ.1,11,116 విరాళంగా ఇచ్చారు. ఈ మొత్తాన్ని గోశాల అధ్యక్షుడు దేవకి సుబ్బారావుకు అందించారు. ఇద్దరినీ సభ్యులు సత్కరించారు. అసోసియేషన్ అధ్యక్షుడు పోలుదాసు రామకృష్ణ, కార్యదర్శి చారగుళ్ల గురుప్రసాద్ పాల్గొన్నారు.