మాదకద్రవ్యాల నిర్మూలనకు ప్రజలు సహకరించాలి: మంత్రి సవిత
మాదకద్రవ్యాల రహిత సమాజ నిర్మాణానికి ప్రజలు చేయి కలపాలని బీసీ సంక్షేమ శాఖ మంత్రి ఎస్. సవిత శనివారం కోరారు. శ్రీ సత్యసాయి జిల్లా పెనుకొండలో ఎస్ఆర్ఆర్ చారిటబుల్ ట్రస్ట్ నిధులతో నిర్మించిన పోలీస్ పరేడ్ గ్రౌండ్‌ను ఆమె ప్రారంభించారు. 'ఆపరేషన్ త్రిశూల్' కార్యక్రమంలో మాట్లాడుతూ, మాదకద్రవ్యాల సమాచారం ఉంటే టోల్ ఫ్రీ నంబర్ 1972కు తెలపాలని సూచించారు. విద్య, క్రీడలు, క్రమశిక్షణకు ప్రాధాన్యం ఇవ్వాలని విద్యార్థులకు పిలుపునిచ్చారు. కలెక్టర్ ఏ. శ్యామ్ ప్రసాద్, ఎస్పీ ఎస్. సతీష్ కుమార్ పాల్గొన్నారు.