ఆశా వర్కర్ల వేతనం పెంచాలని ఎంపీకి వినతి
కనీస వేతనం రూ.26 వేలు ఇవ్వాలని ఆశా వర్కర్లు కోడుమూరులో డిమాండ్‌ చేశారు. సీఐటీయూ మండల అధ్యక్షుడు జీపీ వీరన్న ఆధ్వర్యంలో కర్నూలు ఎంపీ బస్తిపాటీ నాగరాజుకు 11 డిమాండ్లతో కూడిన వినతి పత్రాన్ని అందజేశారు. ఆశా వర్కర్లను రెగ్యులర్‌ చేయాలని, అన్ని రకాల సెలవులు ఇవ్వాలని, శాశ్వత పోస్టుల భర్తీలో శిక్షణ పొందిన ఏఎన్‌ఎం, జీఎన్‌ఎంలకు ప్రాధాన్యం ఇవ్వాలని, జనాభాకు అనుగుణంగా ఆశా కార్యకర్తల సంఖ్య పెంచాలని కోరారు. సమస్యలను ప్రభుత్వం దృష్టికి తీసుకెళ్తానని ఎంపీ హామీ ఇచ్చారని వారు తెలిపారు.