నిర్మల్ జిల్లా పల్సి గ్రామంలో చిరుత అడుగుజాడలు గుర్తింపు
నిర్మల్ జిల్లా కుబీర్ మండలం పల్సి గ్రామంలో చిరుతపులి సంచారం కలకలం రేపింది. మంగళవారం రైతు తావుటి రాములు తన వ్యవసాయ క్షేత్రంలో జంతువు అడుగుజాడలను గుర్తించి అటవీ శాఖ అధికారులకు సమాచారం అందించారు. అధికారులు శివకుమార్, శివప్రసాద్ ఘటనా స్థలానికి చేరుకుని పరిశీలించి, అవి చిరుతపులి అడుగులేనని నిర్ధారించారు. దీంతో గ్రామంలో భయాందోళన నెలకొంది. రైతులు, ప్రజలు అప్రమత్తంగా ఉండాలని, పొలాల్లోకి ఒంటరిగా వెళ్లవద్దని అధికారులు సూచించారు.