ఐఎఫ్‌క్యూఎం సింపోజియం 2026: నాణ్యత, ఆవిష్కరణలపై పరిశ్రమ నేతల దృష్టి
ఐఎఫ్‌క్యూఎం సింపోజియం 2026 తొలి రోజు కేంద్ర మంత్రి జ్యోతిరాదిత్య సింధియా కీలకోపన్యాసం చేశారు. నాణ్యత, ఆవిష్కరణ, స్వావలంబన గురించి తెలుసుకోవడానికి ప్రపంచం త్వరలో భారత్‌వైపు చూస్తుందని అన్నారు. టాటా సన్స్ ఎగ్జిక్యూటివ్ చైర్మన్ ఎన్. చంద్రశేఖరన్, ఎల్ అండ్ టీ సీఎండీ ఎస్.ఎన్. సుబ్రహ్మణ్యన్ ప్రసంగించారు. ఐఎఫ్‌క్యూఎం చైర్మన్ వేణు శ్రీనివాసన్‌కు ఇంటర్నేషనల్ అకాడమీ ఫర్ క్వాలిటీ మార్కోస్ ఈ.జే. బెర్టిన్ క్వాలిటీ ఇన్ గవర్నెన్స్ పదకం అందించింది. ఐఎఫ్‌క్యూఎం, కార్ల్‌స్‌రూ ఇన్‌స్టిట్యూట్ ఆఫ్ టెక్నాలజీ అవగాహన ఒప్పందం కుదుర్చుకున్నాయి. ఆరు ప్యానెల్ చర్చలు, ఐదు కీలకోపన్యాసాలు జరిగాయి.