రూ.2 లక్షల లంచం డిమాండ్: రంగారెడ్డి డీఎంహెచ్‌వో ఏసీబీకి పట్టివేత
రంగారెడ్డి జిల్లా వైద్య ఆరోగ్య శాఖాధికారి డాక్టర్ బి. స్వర్ణకుమారిని రూ.2 లక్షల లంచం డిమాండ్ కేసులో ఏసీబీ అధికారులు పట్టుకున్నారు. సీజ్ చేసిన ఫిజియోథెరపీ సెంటర్ తాళాలు తిరిగి ఇవ్వడం, తదుపరి చర్యలు నిలిపివేయడం, కొత్త లైసెన్స్ జారీ చేయడం కోసం ఈ లంచం అడిగారని ఏసీబీ సిటీ రేంజ్-2 అధికారులు తెలిపారు. తొలి విడతగా రూ.1 లక్ష తీసుకుంటున్న ప్రైవేటు డ్రైవర్ మద్దూరి కృష్ణయ్య నుంచి డబ్బును స్వాధీనం చేసుకున్నారు. హెల్త్ ఇన్‌స్పెక్టర్ ఎం. శ్రీనివాస్, కృష్ణయ్యను అదుపులోకి తీసుకున్నారు. దర్యాప్తు కొనసాగుతోంది.