ఇందిరమ్మ ఇళ్ల ఎంపికలో అక్రమాల ఆరోపణలు
హనుమకొండ జిల్లాలో ఇందిరమ్మ ఇళ్ల రెండో విడత లబ్ధిదారుల ఎంపికలో అక్రమాలు జరిగాయన్న ఆరోపణలు వినిపిస్తున్నాయి. సర్పంచి ఛైర్మన్‌గా ఉన్న గ్రామ ఇందిరమ్మ కమిటీలకు సమాచారం లేకుండానే జాబితాలు సిద్ధం చేసి ఎంపీడీవోలకు పంపారని, అధికారులు, అధికార పార్టీ నాయకుల ప్రమేయం ఉందని విమర్శలున్నాయి. దీంతో అనర్హులకు ఇళ్లు దక్కే అవకాశముందని ప్రజలు ఆందోళన వ్యక్తం చేస్తున్నారు. ప్రస్తుతం గెజిటెడ్‌ అధికారులు క్షేత్రస్థాయిలో జాబితాలను పరిశీలిస్తున్నారు. రెండో విడతలో నియోజకవర్గానికి 2 వేల ఇళ్లు మంజూరయ్యాయి. వీటిలో 1,500 గుడిసెవాసులకు ప్రాధాన్యం, మిగిలిన 500 రేకులషెడ్డు వారికి స్లాబ్‌ కోసం రూ.2 లక్షల చొప్పున ఇవ్వనున్నారు.