తిరుపతిలో ప్రధాని మోదీ 75 అడుగుల కటౌట్‌ ఆవిష్కరణ
ప్రధానమంత్రి నరేంద్ర మోదీ 75 అడుగుల భారీ కటౌట్‌ను మంగళవారం తిరుపతిలో ఆవిష్కరించారు. గిన్నిస్‌ బుక్‌ ఆఫ్‌ వరల్డ్‌ రికార్డ్స్‌ లక్ష్యంగా 75 గంటలపాటు సాగే మోదీ జాతర కార్యక్రమాన్ని నగరంలోని ఎస్వీ తారకరామ మైదానంలో ప్రారంభించారు. మాతంగి పీఠాధిపతి నందగిరి స్వామి ఆధ్వర్యంలో వెయ్యిమంది వేదపండితులు ప్రత్యేక పూజలు నిర్వహించి ఆశీర్వచనం అందజేశారు. భాజపా జిల్లా అధ్యక్షుడు సామంచి శ్రీనివాస్, ఎస్సీ మోర్చా రాష్ట్ర అధ్యక్షుడు పి.సురేష్, శ్రీకాళహస్తి ఆలయ మాజీ ఛైర్మన్‌ కోలా ఆనంద్‌ తదితరులు పాల్గొన్నారు.