మార్కాపురంలో అక్టోబర్ 7న సీపీఎం ర్యాలీ, బహిరంగ సభ
మార్కాపురం జిల్లా అభివృద్ధిపై ఈ నెల 7న మార్కాపురంలో ర్యాలీ, బహిరంగ సభ నిర్వహిస్తున్నట్టు సీపీఎం ప్రకటించింది. గిద్దలూరులో పార్టీ కార్యాలయంలో సభ కరపత్రాన్ని ఆవిష్కరించారు. జిల్లా ఏర్పడి 10 నెలలు అవుతున్నా అభివృద్ధికి నిధులు కేటాయించలేదని, అన్ని శాఖలకు పూర్తిస్థాయి అధికారులను నియమించలేదని సీపీఎం నాయకుడు టి ఆవులయ్య అన్నారు. జిల్లాకు పదివేల కోట్లు కేటాయించి చిన్న, మధ్యతరహా పరిశ్రమలు, గిద్దలూరులో లెదర్ ఫ్యాక్టరీ ఏర్పాటు చేయాలని, వెలిగొండ రెండో దశ పనులు ప్రారంభించాలని కోరారు. కరపత్ర ఆవిష్కరణలో బి నర్సింహులు, డి థామస్, డి శ్రీనివాసులు పాల్గొన్నారు.