సీఈసీ జ్ఞానేశ్ కుమార్‌ను తొలగించాలని పాలకుర్తిలో సీపీఎం నిరసన
జనగామ జిల్లా పాలకుర్తి నియోజకవర్గ కేంద్రంలోని ఐలమ్మ చౌరస్తాలో సోమవారం సీపీఎం ఆధ్వర్యంలో నిరసన కార్యక్రమం జరిగింది. ప్రధాన ఎన్నికల కమిషనర్ జ్ఞానేశ్ కుమార్‌ను బాధ్యతల నుంచి తప్పించాలని సీపీఎం జిల్లా కమిటీ సభ్యుడు చిట్యాల సోమన్న, మండల కార్యదర్శి మాచర్ల సారయ్య డిమాండ్ చేశారు. ఎన్నికల కమిషన్ స్వతంత్ర రాజ్యాంగ సంస్థగా నిష్పక్షపాతంగా వ్యవహరించాలని, ఓటర్ల హక్కులు, పారదర్శకత, అన్ని పార్టీలకు సమాన అవకాశాలు ఉండాలని కోరారు. ఎన్నికల కమిషన్ స్వతంత్రతను కాపాడేందుకు ప్రజా ఉద్యమం చేపడతామని ప్రకటించారు.