పల్నాడులో హత్య కేసు దర్యాప్తులో ఎనిమిదేళ్ల నాటి హత్య వెలుగులోకి
పల్నాడు జిల్లాలో ఇటీవలి హత్య కేసు దర్యాప్తులో ఎనిమిదేళ్ల నాటి మరో హత్య వెలుగులోకి వచ్చిందని ఎస్పీ జగదీష్ అదహళ్లి సోమవారం తెలిపారు. గత నెల 29న కాసు బ్రహ్మానందరెడ్డి కాంప్లెక్స్‌లో నిద్రిస్తున్న గాసి రాజేష్ (35) హత్యకు గురయ్యారు. సీసీ కెమెరా ఆధారంగా బరంపేటకు చెందిన కసుపర్తి నిఖిల్‌ను అరెస్ట్ చేశారు. 2018 జనవరిలో కోట సెంటర్‌లో నాగరాజును హత్య చేసినట్టు అతడు అంగీకరించాడు. హత్య చేసి శరీర భాగాలు కత్తిరిస్తే బలం వస్తుందని కలలు వచ్చేవని చెప్పాడన్నారు. కత్తులు, రక్తపు మరకల దుస్తులు స్వాధీనం చేసుకున్నారు.