ఆసియా క్రీడల్లో గోల్ఫ్ స్వర్ణం సాధించిన ప్రణవి; తండ్రి హర్షం
2026 ఆసియా క్రీడల్లో మహిళల గోల్ఫ్‌లో భారత్‌కు తొలి స్వర్ణం అందించిన ప్రణవి ఉర్స్ విజయంపై ఆమె తండ్రి శరత్‌చంద్ర రాజ్ ఉర్స్ సంతోషం వ్యక్తం చేశారు. "15 ఏళ్ల నిరంతర సాధన ఈ రోజు ఫలించింది. ఆమె తదుపరి ప్రధాన లక్ష్యం 2028 ఒలింపిక్స్" అని ఆయన అన్నారు. వ్యక్తిగత, టీమ్ విభాగాల్లో స్వర్ణమే లక్ష్యంగా పెట్టుకున్న ప్రణవి టీమ్ ఈవెంట్‌లో రజతంతో సరిపెట్టుకున్నా కుటుంబానికి ఆనందం కలిగించిందని తెలిపారు. ఆరేళ్ల వయసులో గోల్ఫ్ ప్రారంభించిన ప్రణవి మూడేళ్లుగా లేడీస్ యూరోపియన్ టూర్‌లో రాణిస్తోందని చెప్పారు.