ఏపీలో 3 లక్షల ఇళ్లకు శంకుస్థాపన; 175 ఇళ్లు 3D ప్రింటింగ్‌తో
ప్రధానమంత్రి ఆవాస్ యోజన–గ్రామీణ్ కింద రాష్ట్రవ్యాప్తంగా 3 లక్షల ఇళ్ల నిర్మాణానికి గుంటూరు జిల్లా తెనాలి నియోజకవర్గంలోని బుర్రిపాలెంలో ముఖ్యమంత్రి నారా చంద్రబాబు నాయుడు, కేంద్రమంత్రి శివరాజ్ సింగ్ చౌహాన్ ఆదివారం భూమిపూజ చేశారు. కేంద్ర గ్రామీణాభివృద్ధి మంత్రిత్వ శాఖ, ఏపీ ప్రభుత్వం సంయుక్త పైలట్ ప్రాజెక్ట్ కింద బుర్రిపాలెంలో 100, ఓబులనాయుడుపాలెంలో 75 కలిపి 175 ఇళ్లను 3D కాంక్రీట్ ప్రింటింగ్ టెక్నాలజీతో నిర్మిస్తారు. భూకంపాలు, తీవ్ర ఉష్ణోగ్రతలు, తుఫానులను తట్టుకునేలా డిజైన్లు రూపొందించారు. వచ్చే మార్చి నాటికి మరో 4.20 లక్షల ఇళ్లు పూర్తి చేయడం లక్ష్యం.