అరకులో వైసీపీ విస్తృత సమావేశం; కూటమి ప్రభుత్వంపై రేగం చాణక్య విమర్శలు
అరకు వ్యాలీ మండలం సుంకరమెట్ట పంచాయతీ జడ్డిపనస సామాజిక భవనంలో ఎమ్మెల్యే రేగం మత్స్యలింగం ఆదేశాలతో వైసీపీ విస్తృత స్థాయి సమావేశం జరిగింది. ముఖ్య అతిథిగా హాజరైన యువజన విభాగం రాష్ట్ర ఉపాధ్యక్షుడు రేగం చాణక్య మాట్లాడుతూ, హైడ్రో ప్రాజెక్టు పేరుతో గిరిజన గ్రామాలను ఖాళీ చేయించి బాక్సైట్ తవ్వకాలకు కూటమి ప్రభుత్వం కుట్ర చేస్తోందని ఆరోపించారు. స్థానిక సంస్థల ఎన్నికల్లో వైసీపీ అభ్యర్థులను గెలిపించాలని పిలుపునిచ్చారు. ఐడీ కార్డు ఉన్న కార్యకర్తలకు రూ.2 లక్షల బీమా, మరణిస్తే కుటుంబానికి అదనంగా రూ.5.50 లక్షలు ఈ నెల 1 నుంచి అమలవుతాయని చెప్పారు.