‘ది ట్రయిటర్స్‌’ తెలుగు వెర్షన్‌కు వ్యాఖ్యాతగా తేజ సజ్జా
అంతర్జాతీయంగా ఆదరణ పొందిన గ్లోబల్‌ గేమ్‌ షో ఫ్రాంచైజ్‌ ‘ది ట్రయిటర్స్‌’ను ఓటీటీ ప్లాట్‌ఫామ్‌ అమెజాన్‌ ప్రైమ్‌ తెలుగులోకి తీసుకొస్తున్నది. సినిమాల్లో సూపర్‌ హీరోగా నటించిన తేజ సజ్జా ఈ రియాలిటీ గేమ్‌ షోకు వ్యాఖ్యాతగా వ్యవహరించనున్నారు. చిన్మయి శ్రీపాద, హర్షవర్దన్‌, ప్రగతి మహావాది, శ్రీదేవి చౌదరి, నిఖిల్‌ విజయేంద్ర, సింహాతో కలిపి వివిధ రంగాలకు చెందిన 20 మంది ప్రముఖులు పాల్గొంటారు. నాలుగు వారాలపాటు పది ఎపిసోడ్లుగా ప్రసారం కానున్న ఈ షో అక్టోబర్‌ 15 నుంచి ప్రతి గురువారం మధ్యాహ్నం 12 గంటలకు ప్రపంచవ్యాప్తంగా విడుదలవుతుంది.