ఐర్లాండ్ గగనతలంలో బ్రిటిష్ ఎయిర్‌వేస్ విమానం అత్యవసర పరిస్థితి
లండన్ హీత్రూ టెర్మినల్ 5 నుంచి ఉదయం 11:50 గంటలకు చికాగోకు బయలుదేరిన బ్రిటిష్ ఎయిర్‌వేస్ విమానం బీఏ295లో గంట తర్వాత అత్యవసర పరిస్థితి తలెత్తింది. ఫ్లైట్ ట్రాకింగ్ డేటా ప్రకారం బోయింగ్ 777-200ఈఆర్ విమానం ఐర్లాండ్ గగనతలంలో 37,000 అడుగుల నుంచి సుమారు 9,000 అడుగులకు దిగింది. పైలట్లు అత్యవసర ట్రాన్స్‌పాండర్ కోడ్ 7700 జారీ చేసి, 8 గంటల 40 నిమిషాల ప్రయాణాన్ని నిలిపి విమానాన్ని వెనక్కి మళ్లించారు. విమానం సురక్షితంగా హీత్రూకు తిరిగి వస్తోందని యూకే మీడియా తెలిపింది. సాంకేతిక లోపంపై సంస్థ స్పష్టత ఇవ్వలేదు.